तेरो इज्जत मा नै दाग लगाई रहेछन
तेरो अस्तित्व नै दाउमा राखिरहेछन
म हेरिरहेछु ट्वाल्ल परेर
तलाई दक्षिणका कोठीहरुमा
बन्धक बनाउने दुस्साहस गरिरहेछन
उत्तरका सांग्लाहरुले जेल्न खोजिरहेछन
तर म
तर म मुक्दर्शक बनिरहेछु
सरकारी बिल्ला भिरेका प्रहरी जस्तै
आफ्नै स्वार्थमा डुबिरहेछु
मेरो मुलुक को नेतृत्व जस्तै
म तातिएको छु
तर पनि तटस्थ छु
म आतिएको छु
तर पनि अलमल्ल छु
मेरो अगाडी रगतको नाली बग्दैछ
तर म
आखा सहितको अन्धो बनिरहेछु
म सुनिरहेछु
मानिस चिच्याएको, छट्पटाएको
तर म
कान सहितको बहिरो बनिरहेछु
त्यसैले पनि
म दोषी हु
म अपराधी हु
दोष बिनाको दोषी
अपराध बिनाको अपराधी
त्यसैले देश
मलाइ माफ गरिदे है !!!